الرئيسية / أخبار / حفيظ العلمي ولقجع دارو الخلعة فترامب وها كيفاش تورطات الفيفا و ملف المغرب 2026 أصبح أقوى

حفيظ العلمي ولقجع دارو الخلعة فترامب وها كيفاش تورطات الفيفا و ملف المغرب 2026 أصبح أقوى

Agadir 360 – أحداث سو

ذكرت مصادر متطابقة داخل اللجنة المكلفة بملف المغرب لتنظيم مونديال 2026 ان زيارة الوفد التقني للفيفا التي انتهت أمس الخميس وشملت الملاعب والفنادق “كانت مخيرة” وزادت “ثقة الفيفا فالملف المغربي”.

الوفد اللي بقى معاهم مولاي حفيظ العلمي رئيس اللجنة وما فارقهمش حتى مشاو فحالهم مشى عاجبو الحال يشرح المصدر نفسه.

هاد الشي كيفسر هاديك الخرجة الغريبة المنرفزة ديال الكاوباي اللي دارها البارح دونالد ترامب رئيس اقوى دولة فالعالم امريكا. ترامب كتب تدوينة قال فيها “وضعت الولايات المتحدة ملفا قويا مع كندا و المكسيك لتنظيم كأس العالم للعام 2026. سيكون من العار أن تدعم الدول التي ندعمها دائما منافس الولايات المتحدة. لماذا يجب علينا دعم هذه البلدان عندما لا تدعمنا (بما في ذلك في الأمم المتحدة)

مصالح امريكا ومخابراتها اكيد غادية تكون خبراتو باللي واخا امريكا وكندا والمكسيك اقوياء وكلشي عندهم ولكن ممكن يخسر تنظيم مونديال 2026 مع دولة اسمها المغرب. هاد الشي جا كذلك بعد قمة امريكية فرنسية. باريس من النهار الاول معانا وداعمانا

دابا الخدمة اللي دارها رئيس اللجنة مولاي حفيظ العلمي ومعاه فوزي لقجع رئيس الجامعة الملكية لكرة القدم واخا فوقت قصير عطات نتائجها. الملف غادي ويتقوى

اللي عليه الضغط دابا بزاف هو رئيس الفيفا والفيفا براسها. تدوينة ترامب ضدها حقاش اي قرار دارتو اي موقف سلبي خداتو ضد المغرب غادي يولي شوهة فتاريخ هاد الرئيس. كلشي عالم الكورة غادي يقول ليه خلعك رئيس امريكا.

طبعا دول كثيرة ضد هاد التهديد الامريكي وغير ضد فيه غادية تصوت للمغرب. المغرب ايلى داز المرحلة الاولى عندو حظوظ كتكبر يوما بعد يوم باش ينظم هاداك الكاس.

أضف تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *